id-Dipartiment tal-Malti
Id-Dipartiment tal-Malti jaħdem biex iġib ’il quddiem l-istudju tal-ilsien Malti, ta’ ġrajjietu, u tal-letteratura tiegħu, bit-tagħlim u bir-riċerka. Dan jagħmlu f’għadd ta’ korsijiet li jwasslu għall-ksib tal-ewwel grad u ta’ gradi ogħla fil-Malti: B.A., B.A. (Unuri), M.A., M.Phil. u Ph.D. Minbarra l-korsijiet ta' filgħodu, id-Dipartiment tal-Malti joffri żewġ korsijiet ta’ filgħaxija, iċ-Ċertifikat fil-Qari tal-Provi fil-Malti, bi sħab mal-Kunsill Nazzjonali tal-Ilsien Malti, u d-Diploma fil-Letteratura Maltija.
Barra minn hekk, jipprovdi programmi ta’ studju lil studenti minn dipartimenti, fakultajiet u istituti oħra, bħalma huma tal-Komunikazzjoni, tal-Liġi, tal-Edukazzjoni u tal-Mediċina. Jaħdem fit-tagħlim u r-riċerka tal-Malti bħala Lsien Barrani. Fl-aħħar snin żviluppa programmi fl-użu tal-Malti f’oqsma speċjalizzati, bħall-Malti għall-professjonisti mediċi, għall-ħaddiema soċjali, għall-amministraturi pubbliċi u għall-ġurnalisti u x-xandara. B’mod regolari jorganizza korsijiet fi ħdan id-DegreePlus li jkopru temi bħall-ortografija u t-tisħiħ tal-lingwa, il-kitba kreattiva, il-Malti Mediku u l-Malti Legali.
Id-Dipartiment tal-Malti beda fit-tletinijiet tas-seklu għoxrin. Il-Prof. Ġużè Aquilina bena d-dipartiment u fil-bidu ħadem tista’ tgħid waħdu fl-oqsma tal-letteratura u tal-lingwistika. Minn dak iż-żmien inbidlu ħafna l-affarijiet. Illum, għaxar letturi jgħallmu qasam jew ieħor skont l-ispeċjalizzazzjoni tagħhom. U d-Dipartiment tal-Malti sar wieħed mill-ikbar dipartimenti fil-Fakultà tal-Arti. Kull sena akkademika madwar 600 ruħ isegwu korsijiet organizzati mid-Dipartiment dwar il-lingwa u l-letteratura Maltija fil-livell ta’ Ċertifikat, Diploma, Baċellerat, Masters, u Dottorat.
Riċerka
Ir-riċerka li ssir fid-Dipartiment tal-Malti hi varjata sew. Biss biss, id-Dipartiment imexxi disa’ proġetti ta’ riċerka ffinanzjati mir-Research Seed Fund tal-Università ta’ Malta fuq temi bħad-djaletti ta’ Malta u Għawdex, it-tradizzjoni orali, it-terminoloġija marbuta ma’ snajja’ tradizzjonali u setturi oħra tal-ħajja, u l-anliżi ta’ manuskritti qodma. Issir ikoll riċerka fuq oqsma tal-grammatika u l-ortografija tal-Malti, tal-kritika u t-teorija letterarja, u tal-Malti fl-informatika, fost l-oħrajn.
Il-letturi flimkien mal-istudenti regolarment jorganizzaw proġetti, seminars u konferenzi fuq l-istorja tal-Malti, ix-xogħlijiet tal-persunaġġi ewlenin li ħadmu b’risq il-Malti, bħal Mikiel Anton Vassalli, Agius De Soldanis, Dun Karm u Juann Mamo. Kull sena jsiru mal-25 teżi tal-Baċellerat u tal-Masters. Il-letturi jippubblikaw artikli u kotba akkademiċi, u jagħmlu taħditiet f’konferenzi f’Malta u barra. Id-Dipartiment b’mod regolari jippubblika r-rivisti akkademiċi, Journal of Maltese Studies u Riċerkaturi.
Kollaborazzjoni ma' entitajiet oħra
Id-Dipartiment hu attiv ukoll ’il barra mill-Università. Jipparteċipa fil-Kunsill Nazzjonali tal-Ilsien Malti u jikkollabora mad-Direttorat tal-Edukazzjoni fil-bordijiet tal-għażla tal-kotba għall-iskejjel u fit-tmexxija konġunta ta' taħriġ professjonali għall-għalliema li jsir matul is-sena. Il-membri jaħdmu mill-qrib mal-Istitut tal-Lingwistika u t-Teknoloġija tal-Lingwa fl-Università stess, mal-Akkademja tal-Malti, mal-Għaqda Internazzjonali tal-Lingwistika Maltija fil-Ġermanja, mal-entitajiet tal-Unjoni Ewropea u ma’ universitajiet barranin bħall-Inalco ta’ Pariġi, l-Università ta’ Bremen u l-Beijing Foreign Studies University.
L-Għaqda tal-Malti - Università
Id-Dipartiment għandu fi ħdanu l-Għaqda tal-Malti - Università, għaqda studenteska mwaqqfa fl-1931 minn Rużar Briffa u Ġużè Bonnici, żewġ gradwati tal-Mediċina. L-Għaqda tilqa’ fiha studenti u gradwati minn bosta dipartimenti u fakultajiet. Tippubblika r-rivista Leħen il-Malti u torganizza proġetti, festivals, u korsijiet innovattivi, ngħidu aħna fil-kitba kreattiva. Biex tissieħeb fl-Għaqda u għal tagħrif ieħor tista’ tidħol fil-paġna tal-Għaqda fil-Facebook.
ta!h!t !G!u!z!è Aquilina la!h!aq Professur tal-Malti u tal-Istudji Orjentali
Fl-1937, [G]u[z]è Aquilina la[h]aq Professur tal-Malti u tal-Istudji Orjentali. Il-Prof. Aquilina bena d-Dipartiment tal-Malti u fil-bidu [h]adem tista’ tg?id wa?du fl-oqsma tal-Letteratura u tal-Lingwistika.
Albert Borg sar lettur tal-post mad-Dipartiment
Prof. Albert Borg sar lettur tal-post fil-qasam tal-Lingwistika 
Dun Karm Sant la?aq A?ent Kap tad-Dipartiment
Dun Karm Sant la?aq A?ent Kapt tad-Dipartiment tal-Malti fl-1976 wara li rtira l-Prof. Aquilina. 
Lacinia at quis
Malesuada nunc vel risus commodo viverra maecenas. Amet consectetur adipiscing. 
Risus commodo
Id eu nisl nunc mi ipsum faucibus vitae aliquet. Fringilla urna porttitor rhoncus dolor purus non enim. 
Consequat mauris
Dignissim diam quis enim lobortis scelerisque fermentum dui. 
Nisi est sit amet
Metus dictum at tempor commodo ullamcorper a lacus. Eget arcu dictum varius duis at consectetur. 
Justo laoreet sit
Lacus sed turpis tincidunt id aliquet. Id leo in vitae turpis. A diam maecenas sed enim.