Faċċata
Il-proġett tad-Dipartiment tal-Malti fuq It-Tradizzjoni Orali beda fl-2016 bil-għan li jiġbor il-materjal, jiddokumenta l-istudji, u jistimula r-riċerka dwar l-oralità bil-Malti. Dan il-qasam iħaddan il-ħrejjef, il-leġġendi, l-għana, il-qwiel, it-taqbil tat-tfal, iċ-ċajt u l-logħob bil-kliem, il-versi tas-superstizzjoni, il-lingwaġġ tas-snajja', l-ismijiet tal-postijiet u l-laqmijiet, u wirt ieħor li jgħaddi minn ġenerazzjoni għal oħra bil-fomm. B’mod regolari norganizzaw taħditiet u seminars pubbliċi bis-sehem ta' riċerkaturi Maltin u barranin, stabbiliti u ġodda, u nagħmlu intervisti ma’ studjużi ewlenin f’dan il-qasam u ma’ nies li jaqsmu l-wirt u r-rakkonti tagħhom. F'dan is-sit issibu l-biblijografiji tar-riċerkaturi ewlenin tat-Tradizzjoni Orali Maltija, katalgu tematiku tal-oqsma mistħarrġa, u għadd ta’ riżorsi stampati u awdjoviżivi. L-attivitajiet u ħafna mill-materjal jittellgħu wkoll fuq il-paġna ta’ Facebook It-Tradizzjoni Orali. Dan il-proġett għandu l-appoġġ tar-Research Seed Fund tal-Università ta’ Malta u tal-Klabb Kotba Maltin.
The Oral Traditions project of the Department of Maltese, which started in early 2016, aims to collect Malta's rich oral heritage, to keep track of studies in this area, and encourage more researchers to do work in this vast field. Oral traditions include tales, legends, traditional folk singing, proverbs, children's rhymes, jokes and wordplay, superstitions, the language of individual skills and crafts, names of places and nicknames, and other verbal heritage that is passed on from one generation to another. We regularly host public lectures and seminars with the participation of both established and up-and-coming researchers from Malta and abroad. We also interview leading researchers and people who have stories to tell. In this site there are bibliographies of works by leading scholars of Maltese oral traditions, a thematic catalogue, and both printed and audiovisual resources. We share many of these events and resources on the Facebook page of It-Tradizzjoni Orali. This project is supported by the Research Seed Fund of the University of Malta and Klabb Kotba Maltin/Midsea Books.
